මීරිගම බණ්ඩාරනායක මහා විද්‍යාලයීය පාසල් ගීතයෙහි අර්ථයට අනුව යමින්, "දින දින දිදුලමින්, දන මන පුබුදමින්, දස දෙස යස රැස පතුරුවාලීමට" තැබුවා වූ අභිමානවත් පියවරක් වශයෙන් විද්‍යාලයීය වෙබ් අඩවිය මෙසේ එළි දැක්වීමට  පියවර තැබීම මහත් සොම්නසට කරුණකි.

නවීන ලෝකය හා මුසුවීමට විද්‍යාලයට අඩුපාඩුවක්ව පැවැති මෙම වෙබ් අඩවිය නිර්මාණයට අප විද්‍යාලයේ සිසුන් පුහුණු කිරීමට යොමුකිරීම ට උනන්දු වූ සියළු පාර්ශවයන්ට මම මෙහිදී ස්තූතිවන්ත වෙමි. එලෙසම එම සිසුන්ට  මෙම නිර්මාණ කාර්යය අනාගතයේ තොරතුරු තාක්ෂණ ලොවට පිවිසීමට ලබාගත් විශාල අත්දැකීමක් හා දිරිගැන්වීමක්ද  වනු නොඅනුමානය.

මෙම වෙබ් අඩවිය තුළින් අපේ පාසල පිළිබද ලොවට හදුන්වා දීමට කටයුතු කිරීමත්, ගුරු සිසු දෙපිරිම මෙම වෙබ් අඩවිය නිසි ලෙස ප්‍රයෝජනයට ගැනීමත් තුළින් මෙම නිර්මාණාත්මක කාර්යයේඅරමුණු සඵල වේවා යි ඉත සිතින් ප්‍රාර්ථනා කරමි.